1 наурыз күні телефондағы сағатты қолмен өзгерту керек пе: Министрлік өкілі жауап берді

1 наурыздан бастап бүкіл Қазақстан бірыңғай уақыт белдеуіне көшеді. Осыған байланысты министрлік өкілі қазақстандықтар 29 ақпаннан 1 наурызға қараған түні гаджеттеріндегі уақытты қолмен өзгерту керек пе деген сұраққа жауап берді. Бұл туралы Stan.kz ақпарат агенттігі хабарлайды.

Сауда және интеграция министрлігі техникалық реттеу және метрология комитетінің төрағасы Қуаныш Елікбаевтың айтуынша, гаджеттерде уақыт 00:00-де автоматты түрде түзетіледі.

29 ақпаннан 1 наурызға қараған түні Астана, Алматы, Шымкент, Ақмола, Алматы, Жамбыл, Қарағанды, Қостанай, Павлодар, Солтүстік Қазақстан, Түркістан, Шығыс Қазақстан, Абай, Жетісу және Ұлытау аймақтарында жергілікті уақыт бір сағатқа артқа жылжытылады.

"Ұялы байланыс операторларының өздері автоматты түрде барлық гаджеттерде жаңа уақытты енгізеді. Осылайша, Қазақстандағы ұялы телефондар мен басқа гаджеттер байланыс операторының орталық коммутаторынан ақпарат ала отырып, өздерінің жүйелік уақытын автоматты түрде синхрондайды. Бұл қалай жұмыс істейді? Мысалы, сіз Мәскеуге ұшсаңыз, сіздің телефоныңыз жергілікті уақытты автоматты түрде реттейді. Бұл тек интернет арқылы жасалады", – деді комитет төрағасы.

Қуаныш Елікбаевтың айтуынша, Қазақстанда әлемдік аналогтармен сағат сайын үндестірілетін және елдегі ең дәл уақытты көрсететін уақыт пен жиілік бірліктерінің мемлекеттік бастапқы эталоны бар.

Фото: ​stan.kz​​​