Қайырымдылық көмек көрсетілді

Наурыз – мейірім мен қайырымдылық мерекесі. 15 наурызда Қазақстан халқы «Қайырымдылық» күнін атап өтуде. Бұл күн еліміздің халқын мейірімділік пен тату көршілікке шақырады. Мұқтаж жандарға қол ұшын созу, кімге болсын құшағын жайып, қонақжайлық көрсету – қазақтың қанында бар қасиет.

Наурызды мерекелеу кезінде бұл қасиеттерді барынша кеңінен насихаттау, оның қадірін арттыру аса маңызды. Өйткені көшпенділер мәдениетінде өзара көмек, жанашырлық пен қамқорлық кез келген қиындықты жеңіп, мақсат-мұратқа жетудің тетігі болған.

Бүгін Арал ауданы әкімдігінің ұйымдастыруымен демеушілер есебінен аудан бойынша аз қамтылған, көпбалалы, мүгедектігі бар, тұрмыс жағдайы төмен 250 отбасыға қайырымдылық көмек түрі жасалды.

Осы ретте, демеушілік танытқан алтын жүректі жандарға шынайы алғысымызды білдіреміз.