Қызылордалықтар мемлекеттік қызметтерді қоғамдық орындарда ала алады

ХҚКО мамандары енді мемлекеттік қызметтерді халық көп шоғырланатын қоғамдық орындарда көрсететін болады. Ол үшін қаламыздағы “Aray City Mall” сауда ойын-сауық орталығында «connection point» ашылды.

«Сonnection point» – азаматтарға электрондық үкімет порталы арқылы қызметтерді өз бетінше алуға көмектесетін аумақ болып табылады. Мұнда клиенттер электронды қолтаңба алу, тұрғылықты жері бойынша тіркелу, зейнетақы жинақтары туралы анықтама алу және тағы басқа ХҚКО көрсетілетін танымал қызметтерге тапсырыс бере алады. 

Айта кету керек, бүгінде аймағымызда азаматтар мемлекеттік қызметтерді өз бетінше ала алатын 14 «connection point» тиімді жұмыс жасауда. Тұрғындар енді мемлекеттік қызметті Халыққа қызмет көрсету орталығына бармай-ақ, «connection point» арқылы жылдам қызмет алуға мүмкіндіктері бар.