Таза өлке – таза аудан
Бүгін ауданда “Таза Қазақстан” экологиялық акциясы аясында «Таза өлке – таза аудан» тақырыбында кең ауқымды үгіт-насихат жұмыстары өткізілді. Бұл акцияның негізгі мақсаты – аудан тұрғындарын экологиялық тазалықты сақтауға шақыру, табиғаттың сақталуына үлес қосу және қоршаған ортаны қорғау туралы қоғамда түсінік қалыптастыру.Іс-шара барысында ауданның белсенді жастары мен еріктілер арнайы брошюралар таратып, тұрғындарды табиғатты қорғау мен экологиялық тәртіпті сақтау мәселелері бойынша ақпараттандырды. Брошюраларда қалдықтарды дұрыс сұрыптау, пластик заттарды пайдалануды азайту, ауаны ластамау, ағаш отырғызу сияқты экологиялық дағдылар туралы кеңестер жазылған. Сонымен қатар, акция барысында қала тұрғындарына табиғатқа деген қамқорлықтың маңыздылығы, әркімнің өз айналасын таза ұстау міндеті түсіндірілді.
"Толқын" ақпарат
