Толқын Арал аудандық қоғамдық-саяси газет
» » АРАЛ АУДАНЫНДА «Birge Taza Qazaqstan» ЭКОЛОГИЯЛЫҚ АКЦИЯСЫ ӨТТІ

АРАЛ АУДАНЫНДА «Birge Taza Qazaqstan» ЭКОЛОГИЯЛЫҚ АКЦИЯСЫ ӨТТІ

Бүгін айдынды Арал өңірінде республика көлемінде өткізіліп жатқан «Бірге – Таза Қазақстан» экологиялық акциясы өтті.Ауданға қарасты барлық қала, кент, ауылдық округтер мен елді мекендер бойынша мекеме қызметкерлері, жеке кәсіпкерлік субъектілері және заңды тұлғалардың қатысуымен өткізілген сенбілікке 1200 адам қатысып, 16 техника жұмылдырылып, барлығы - 117 тонна тұрмыстық қатты қалдықтар арнайы қоқыс қалдықтарын тастайтын орындарға жеткізілді.
Сондай-ақ, Кәрібөгет көпірінің маңы лас-қоқыстан тазартылып, су айдындарына қоқыстарды бей-берекетсіз тастамау жөнінде тұрғындарға түсіндірме жұмыстары жүргізілді.
Жалпы аудан көлемінде ұйымшылдықпен өткен тазалық акциясы алдағы уақытта жалғасын табатын болады. Себебі, бұл акция су жағалауларындағы экологиялық жағдайды жақсартуға мүмкіндік береді.
Қоршаған ортаны қорғау, сақтау және жақсарту – баршамыздың басты міндетіміз десек, Сіздерді қоршаған ортаны қорғауға, оның тазалығын сақтауға белсенді қатысуға шақырамыз!
Арал ауданы әкімдігінің баспасөз қызметі.
03 тамыз 2019 ж. 191 0