Аралдың алғаусыз күлкісі
Осы күлкі дегенде көп мән бар: біреу жарқырай күледі, біреу жарыла күледі, біреу сылқ-сылқ күлсе, енді бірі жырқ-жырқ күледі.«Күлмейтін адам – ештеңе білмейтін адам» дейді жағалау жұрты. Сондықтан да біздің жақтың адамдары үнемі езу тартып, әзіл-қалжыңын жанқалтасына салып жүреді. Кұліп жүру бақыт гармондарын туындатады дейді ғой бүгінгі сұңғыла ғалымдар. Демек аралдықтар әрдайым бақыттың құшағында тербеліп жүретіндіктері де сондықтан шығар.
Адам күлкісінің көсемі – Судыр Ахмет. Судырекең соғысу ғасырдың басында жұраттың ішек-сілесін қатырса, кейін оның ізбасарлары да жер-жерден бой көрсеткен. «Толқын» газетінде «Қармақ» атты айдар ашып, Серік Сейтмағанбетұлы талай жалқау мен жалақорларды күлкіге көміп тастаған. Оны бержағында: «Біздің аралдықтар дүние шар етіп келгенде жылп тумайды, «О-о, тамаш-а-а!» деп күліп туады деген әзілқой әртіс Құдайберген Сұлтанбаев бүкіл қазақтың күлкісіні королі атанған.
Алдымыздағы ата-ағаларымызға еліктеп жүріп, біз де Аралдық алғаусыз күлкісінің кұмбезін биіктеткен боп тырбанып жүрген жайымыз бар. Бізден де кейін күлкінің күбісін піскен әзіл-сықақшылар жетерлік... Олардың әрқайсысы өздерінің ошаған, кәріқыз, жантақ өсетін күлкі бауларының ауласын кеңейтіп келеді.
Аралды алғаусыз күлкісі көпшіліктің көңілін көтере берісін, ағайын. Тұмсық тіреп келген бүгінгі «Күлкі күні» құтты болсын!
Ерғали АБДУЛЛА
Фото: www.facebook.com
