Мамандар аптап ыстықта ішуге болмайтын сусындарды атады
Мамандар ыстық ауа райында қандай сусындарды тұтыну қауіпті болуы мүмкін екенін атап өтті. Бұл туралы Centers for Disease Control and Prevention (CDC) ескертуіне сілтеме жасап КАБАР агенттіг жазды. Мамандардың айтуынша, кофе мен құрамында кофеині жоғары шай түрлерін ыстықта шектеген абзал. Кофеиннің жеңіл диуретикалық әсері бар, яғни ол ағзадағы сұйықтықтың тезірек шығарылуына әкеледі. Бұл өз кезегінде сусыздануға себеп болуы мүмкін, ал ауыр жағдайларда жылу соққысы, есінен тану немесе құрысу сияқты асқынуларға ұласуы ықтимал.
Сонымен қатар, мамандар алкогольді, сондай-ақ қант пен натрий мөлшері жоғары сусындарды да азайтуға кеңес береді. Мұндай сусындар ағзадағы су тепе-теңдігін бұзып, ыстықта жағдайды одан әрі нашарлатуы мүмкін.
Сарапшылардың пікірінше, ең дұрыс таңдау – қарапайым бөлме температурасындағы немесе салқын су. Дженнифер Брэди бұл туралы түсіндіріп, былай деді: «Салқын су ішкенде, ағза оны табиғи түрде жылытады. Қаласаңыз, мұз қосуға болады. Бірақ организм үшін судың температурасы аса маңызды емес».
Еске сала кетейік, бұған дейін Премьер-министр Олжас Бектенов балалардың энергетикалық сусынға құмартуын қауіпті деп бағалаған болатын. Қазақстанда 2025 жылғы 1 қаңтардан бастап 21 жасқа толмаған адамдарға энергетикалық сусындарды сатуға тыйым салынды.
