Әлеуметтік желілерде, сондай-ақ WhatsApp және басқа да мессенджерлер арқылы депозиттердің кетуі, банктердің ақша беруден бас тартуы, банк бөлімшелерінде валютаның жеткіліксіздігі туралы жалған және арандатушылық ақпарат таралған еді. Осыған байланысты Ұлттық банк түсініктеме берді,

"Осыған байланысты Қазақстан Ұлттық Банкі барлық банктердің қажетті валюта қоры бар екенін хабарлайды, Ұлттық Банктің аумақтық филиалдары жоспарлы режимде банктерді қолма-қол ұлттық және шетел валютасымен қамтамасыз етеді. Депозиттік база тұрақты, банк клиенттеріне қызмет толық көлемде көрсетіледі", - делінген хабарламада.
Қаржы реттегіш жалған ақпарат таратушыларды анықтау үшін құқық қорғау органдарына жүгінген. Сондай-ақ, бұрын желіде Еуразиялық экономикалық одақ кеңістігінде бірыңғай валюта енгізу мүмкіндігі туралы екі белгісіз әйелден аудиохабарлар пайда болды. Сондай-ақ, монеталар мен ұсақ ақшаларды жақындап келе жатқан девальвацияның салдарынан алып тастайтыны айтылған.
"Біз бұл хабарламаларды көрдік, ол шындыққа сәйкес жанаспайды", - деді Ұлттық банк төрағасының орынбасары Олег Смоляков.
Естеріңізге сала кетейік, Қаржы министрі ұлттық вальютаны сақтап қалатынын айтқан еді.

http://stan.kz