"Бірінші міндет - анасымен танысу": Қыдырәлі Болманов болашақ жарды қалай таңдау керегін айтты
Әлеуметтік желідегі парақшалардың бірінде Қыдырәлі Болмановтың жар таңдау туралы ақыл айтқаны кең тараған. Қызды анасына қарап танитын ол сұлулығына емес, мінезінің көркемдігіне мән берген дұрыс дейді. Өнер иесі егер сүйген адамыңызды дұрыс білмесеңіз, анасымен танысыңыз деп кеңес берді."Анасына қарап, қызын ал дейді. Яғни, анасы қандай болса қыз тура сондай болады. Өйткені қыз бала әкесін қатты жақсы көргенімен, әкесі айта алмайтын тәрбиені анасы береді. Егер жүрегі таза, мейірімге толы, әр нәрсеге қызына кетпейтін, сабырмен өлшейтін адам болатын болса, анасына қарап білесіз. Қыздың бәрі сұлу. "Қыз кезінде бәрі жақсы, жаман әйел қайдан шығады" дейді ғой қазақтар. Сондықтан, бірінші міндет - анасымен танысу", - деп пікір білдірді Қыдырәлі Болманов.
