Осы уақытқа дейін кәсіпкер Марғұлан Сейсембай президент әкімшілігімен кездесуге барғаны туралы жазды. Сондай-ақ, аталған кездесу барысында президент әкімшілігі басшысының орынбасары Дархан Қалетаев және кеңесшісі Ерлан Қариннің де болғанын жеткізді. Енді ол «Ұлттық қоғамдық сенім кеңесін» құру үшін өзі толықтай сенім артатын 10 адамның көмегіне жүгініп отырғанын айтты,

Кәсіпкер билік өкілдерімен кездесу барысында ұсынысын жүзеге асыру техникасы мен механизмі туралы айтқан. Яғни азаматтық қоғамда лидерлер пайда болу үшін съездер мен жиналыстарды ашық өткізуге және барлық қауымдастықтың «Саяси жаңғырту жөніндегі ұлттық кеңеске» өз өкілін таңдауға мүмкіндік беру қажеттігін ұсынған. Екінші тарап өз кезегінде партиялардың, президентікке бұрынғы кандидаттардың және Атамекен өкілдерінің автоматты түрде қатысуы туралы мәселе көтерген. 
«Мен сол кезде бұл кеңеске деген сенім жоғалатынын айттым. Әр саяси партиялардан бір өкілден шығып, ұсынуына келістім, бірақ Атамекен және президенттікке ұсынылған бұрынғы кандидаттар қайтадан 10 мың қолдан жинап шығуын талап еттім. Менің ойымша, бұл әділ болады. Кейбір кандидаттардың бұл санды жинай алатынына күмәнім бар», - дейді ол. 
Мұнымен қатар, ол өзінің желідегі жазбаларында «Ұлттық қоғамдық сенім кеңесі мүмкіндік пе әлде алдау ма» деген мәселеге тоқталды. Осы орайда, ол аталған кеңеске қатысты халық та, өзі де сенім артады деген 10 азаматтың пікір білдіруін сұрады. 
«Достар, алаңның орнына билiкпен келiсiмсөз жүргiзу керектiгi туралы менiң бiрнеше постыларымның астында талай адам өз келiспеушiлiгiн бiлдiрді. Қоғамның билiкке деген сенiмi мүлдем жоқ. Жаңа құрылған "ҰҚС кеңесінің" тиiмдi болатынына да үлкен күмәнмен қарауда. Мен олардың бәрiн түсiнемiн. Бiрақ тек желідегі пікірлерден барлық қоғамның көңiлiн сараптай алмаймыз. Мен саясатта еш тәжiрибем болмаған соң, "ҰҚС кеңесінде" жұмыс iстеу/iстемеу шешiмiн эмоциялар мен пікірлерге сүйенiп қабылдаған дұрыс болмас деп ойлаймын», - деді Сейсембаев. 
Әрі қарай ол жазбасында аты аталған адамдардың азаматтық ұстанымына толықтай сенетінін жеткізді. 
«Сөздерi мен iсi бiрге жүрген, билiкке ұмтылмаған, қоғам үшiн шынайы iстеп жүрген тұлғалар. Ұстанымдары мен қағидалары үшiн өздерiнiң аты мен бостандығын тәуекелге салған адамдар», - деп баға беріп, оларға бірнеше сұрағы барын жеткізді. 
«Сiздерге маңызды сұрағым бар. Біріншіден, маған жаңа құрылған "ҰҚС кеңесіне" билiкпен келiсiмсөз арқылы саяси реформаларды жасау үшiн баруға тұра ма әлде "ҰҚС кеңесі" жұмысы тиiмсiз бекер жұмыс бола ма?
Мен толықтай сіздердің өмiрлiк тәжірибиелерiңiз бен азаматтық ұстанымдарыңызға сенемiн. Сiздерден неғұрлым толық және ашық жауап сұраймын. Сiздердiң жауаптарыңызға сүйенiп мен өзiмнiң келесi қадамдарымды жоспарлаймын. Жауап қатсаңыз, сiзге қатты риза боламын! Бiр нәрсе маған сөзсiз анық - ол халықтың сенiмiнсiз мен ештеңе iстемеймiн де, ешқайда бармаймын да», - дейді ол. 
Виталий Воронов – «Алматы заңгерлер корпорациясы» мемлекеттік емес мекеменің президенті, заңгер, адвокат, Евгений Жовтис – қоғам қайраткері, заңгер, публицист және қазақстандық құқық қорғаушы, Бақытжан Төреғожина – азаматтық белсенді, құқық қорғаушы,
Марат Асипов – жабылған Ratek.kz сайтының бас редакторы, физик, Вадим Борейко – қазақстандық журналист, қоғам қайраткері, бірнеше кітап авторы, Айгүл Кенжебаева – 35 жылдық өтілі бар заң ғылымдарының кандидаты, коммерциялық заңгерлер ассоциациясы кеңесі басқармасының төрайымы,
Ажар Жандосова – қоғам қайраткері, Қазақстанның табиғатты қорғау эко қозғалысының белсендісі, әйгілі қазақ ақыны Ілияс Жансүгіровтің немересі, Джохар Утебеков – заңгер, Досым Сатпаев – саясат және қоғам қайраткері, саясаттанушы, публицист, баспагер, Жанболат Мамай – белгілі қоғам қайраткері, журналист.

https://stan.kz