"Мәңгүрттер": Мұрат Құсайынов қазақ жастарының тәрбиесі туралы айтты
Кезінде күллі әлемді әсерлі музыкасымен тәнті еткен "Дос-Мұқасан" тобының солисі Мұрат Құсайынов жастардың тәрбиесіне сын айтты. Оған кінәлі ата-ана дейді ол. Соңғы жылдары рухани құндылыққа қарағанда, материалдық құндылықты биік қоятын болып кеткен адамдардың деңгейі төмендеген дейді ол. "Жастарға тәрбие керек. Тәрбиенің көзі - отбасы. Тоқсаныншы жылдардан бастап, біздің қазақ отбасылары балаларына дұрыс тәрбие бере алмай жатыр. Өйткені ақша жоқ, үй жоқ, күй жоқ. Адамдар адасып, тентіреп қалды. Қалай нан, киім тауып береміз деп, материалдық жағына ауысып кетті, идеология жоғалды", - дейді Мұрат Құсайынов. Сонымен қатар, өнер иесі қазақтың билері мен шешендерін еске алып, олардың бір ауыз шешімі заң болғанын айтты. Егер жастар үлкеннің сөзіне құлақ түрмей, бетімен кетер болса, "мәңгүртке" айналамыз дейді ол.
"Бізде билер мен мықты ақындар болды. Олардың ақылына жұрт құлақ асқан. Тіпті ханды олай тыңдамаған. Ал қазіргідей ақсақалдар, тарихымыз не үшін керек деп жүре беретін болсақ, барымызды жоғалтамыз да, Шыңғыс Айтматовтың айтқан "мәңгүрттері" боламыз", - деп ашында өнер иесі.
