"Шаршайды екенмін": Ержан Максим өзіне продюсер іздеп жатыр
"Голос. Дети" байқауында топ жарып, ерекше талантымен жұртты тәнті еткен Ержан Максим бүгінде кәсіби музыкамен айналысуды қолға алған. Әзірге анасы мен әкесінің қолдауымен талай сахналарды бағындырып жүрген ол енді продюсер іздестіру үстінде. Бұл жайлы өнер иесінің анасы Гүлмира Әлібек айтып берді. "Қазіргі уақытта Ержанның продюсері менмін. Бірақ, қатты шаршайда екенмін. Бүгінде лайықты продюсер бола алатындай адам іздестіріп жатырмыз. Көптеген ұсыныстар түседі. Телефонымызға тыныштық жоқ. Ол жұмыстармен де айналысатын кісі керек екен", - дейді әншінің анасы Гүлмира Әлібек.Гүлмира Әлібек осы жолы Ержанның әкесі туралы айтуды да ұмытпаған. Қазірше ғана ұлының жанында жүрген ол болашақта Ержан Максимді байқауларға, концерттерге әкесі апаратын болады деп айтты.
"Сағынып, әр сағат сайын хабарласып тұрады. Қазір Ержан әлі кішкентай. Ертең есейгенде мен баламның жанында жүре алмаймын. Өскенде өзің жүресің деп айтамын. Димаш Құдайберген мен әкесі сияқты. Болашақта әкесімен көбірек жүретін болар деп ойлаймын", - деп ағынан жарылды Гүлмира Әлібек.
