"500 доллар": Көгершін бағатын Мейрамбек Бесбаев құстарының құнын айтты
Бала күнгі қызығушылығын кәсіпке айналдырып, әлі күнге дейін құс бағатын Мейрамбек Бесбаев өткен күнін есіне алды. Мектеп оқушысы болып жүрген кезінен-ақ кептер ұстауға деген қызығушылығы ашылған өнер иесі құстарды қатты жақсы көретінін жеткізді. "Таразда оқыған кезде мектептегі сыныптастарымыздың барлығы кептер ұстайтын еді. Таразда кептер ұстау деген сәнге айналған болатын. Қазіргі балалар ұстай ма екен, білмеймін. Қолға үйренетіні сол болды. Ал былай құстардың барлығын жақсы көремін. Желідегі парақшамда байқасаңыздар көп құстарға жазылғанмын", - дейді Мейрамбек Бесбаев.Сонымен қатар, өнер иесі құстарының құнын айтып, көгершінін қандай бағаға саудалайтынын жасырмады. Дегенмен әнші көп жағдайда құстарды сыйлыққа алып, өзі де сыйлыққа бергенді жақсы көретін сыңайлы.
"Көгершінге деген махаббат ерекше. Бала күнгі махаббат қалмаған. Есейсек те кептер ұстаймыз. Ой қымбат емес. Ең қымбаты ары кетсе 500 доллар тұратын шығар. Ал былай 10 мың теңгеден басталады. Көбінесе маған сыйлайды. Оған қоса, таныс адамдардан аламыз", - дейді өнер иесі.
