Толқын Арал аудандық қоғамдық-саяси газет
» » "Өмірді, өзімізді": Ләйлә Сұлтанқызы адамдардың неден қорқатынын айтты

"Өмірді, өзімізді": Ләйлә Сұлтанқызы адамдардың неден қорқатынын айтты

Белгілі журналист желідегі парақшасында жазба қалдырып, адамдардың өмір бойы бір нәрсені жоғалтып алудан қорқатынын жазған. Бірақ, әр жоғалған нәрсені іздеу арқылы одан да маңызды нәрселерді тауып, өмірді басқа қырынан көре аламыз дейді ол. Сондықтан жоғалтып алдым деп қатты қайғырмаңыз деп кеңес берді ол."Біз жоғалтудан қорқамыз. Өмірді, өзімізді, жақынымызды, барымызды, байлығымызды. Ғұламалар жоғалтудың екінші аты - тауып алу дейді. Мұнымен толық келісемін. Егер сіз сол кезде жоғалтпасаңыз, қазір мұны таппас па едіңіз?! Мысалы, сіз соңғы ақшаңызды жоғалтып, мұқтаждықтан жұмыс іздеп сүйікті ісіңізді тауып алдыңыз. Ең жақсы араласатын құрбыңызға деген өкпеңізді жеңем деп өзіңіздің "кешірімді болу" деген жақсы қасиетіңізді тауып алдыңыз. Ең қарапайымы, үйде жоғалған алтын сырғаңыздың сыңарын іздеймін деп бәрін ақтарып, ұмытып кеткен құнды дүниеңізді тауып алдыңыз", - деп жазды Ләйлә Сұлтанқызы.
Бірақ өмірде жаныңа жақын жандарды жоғалтудың қаншалықты ауыр болатынын түсіндірді тележүргізуші. Бірақ Алла әр жамандықтың артынан жақсылығын ұсынып, жеңілдігін береді. Әр істің қайыры бар дейді ол.
"Ал ең қиыны ет жақыныңызды жоғалтудан жақсы нәрсе тауып алу. Затты жоғалту оңай ғой. Алайда өлімге қарсы шыққымыз келеді. Бірақ Құдай ондай істің артына да бір қайырын жасырған болар. Сондықтан әр жоғалтудан "тауып алуды" тауып алайық", - дейді Ләйлә Сұлтанқызы.
https://stan.kz
09 шілде 2019 ж. 51 0