Мемлекет басшысы Қасым-Жомарт Тоқаев «Білім және ғылым» конференциясы кезінде балалар суициді мәселесін көтеріп, оптимистерге жаңа буын қалыптастыру қажет екенін тоқталды, деп хабарлайды Stan.kzтілшісі.

«Балалар суициді баршамыз үшін қайғы-қасірет болып отыр. Біз олардың неліктен мұндай қадамға барып жатқанын ойлануымыз қажет. Тәрбиелеу процесі сапасының негізгі өлшемі – тұрақты өмірлік ұстанымдарды қалыптастыру. Ерік-жігері берік және өмірлік қиындықтарды жеңе білетін оптимистердің жаңа буынын қалыптастыру – біздің баршамызға ортақ міндет. Басқаша болмайды», - деді Қасым-Жомарт Тоқаев. 
Әрі қарай президент БАҚ-тан балаларды ұрып-соғу жағдайларының, олардың тиісті емес жағдайда өмір сүруі туралы ақпараттардың көбейгеніне назар аударып, үкіметке мектепке дейінгі оқыту мен тәрбиелеудің жоғары сапасын қамтамасыз ету үшін барлық шараларды, оның ішінде заңнамалық шараларды қабылдауды тапсырды.