Толқын Tolqyn.kz ақпараттық агенттігі
» » Перзентханада әйелі мен баласынан айырылған ер адам қамауға алынуы мүмкін

Перзентханада әйелі мен баласынан айырылған ер адам қамауға алынуы мүмкін

Қарағанды облысында босану кезінде әйелі мен баласынан айырылған ер адам жазаға тартылуы мүмкін. Бір күде әйелі мен сәбиін жоғалтқан ер адам ашумен анестезиолог пен аурухана директорына тап беріп, шабуыл жасаған. Енді ол төбелес шығарғаны үшін айыппұл төлеуі немесе 15 тәулікке қамауға алынуы мүмкін, деп жазады Stan.kz ақпараттық агенттігі КТК арнасына сілтеме жасап.
Перзентханада сәбиімен бірге көз жұмған 34 жастағы Хадиша Дарменбаева жер қойнына тапсырылды, бірақ отбасы әлі күнге дейін әділ сот болады деп үміттенуде.
Ботақара ауылындағы аудандық ауруханаға ақсап тұр. Бастапқыда мұнда босанушы әйел көз жұмды. Ал қайтыс болған жүкті әйелдің күйеуі әйелі мен баласының қайтыс болғанын естіп, анестезиолог пен директорға жұдырық ала жүгірді. Нәтижесінде бұл жерге облыстан тексеру келді. Алдын ала болжам бойынша, барлық жағдай босанушының қанайналым жүйесіне амниотикалық сұйықтықтың түсуіне байланысты болды.
«Алдын-ала мәліметке сәйкес, амниотикалық сұйықтық эмболиясын дәрігерлер бақылай алмайды. Қалай болғанда да, ол өлімге әкеп соғады. Яғни, алдын-ала сараптама жүргізгеннен кейін, біздің медицина қызметкерлерінің әрекеттері толығымен дұрыс болып шықты. Егер бұл жағдай облыста болса да, нәтижесі осындай болар еді»,-дейді Қарағанды облысының Бұқар-Жырау аудандық орталық ауруханасының директоры Сапар Қажықарымов.
Дәрігерлердің айтуынша, Хадиша Дарменбаеваның жүктілігі жоспарға сай жүрді. Алайда, босану уақыты жақындағанда бір нәрсе дұрыс жүрмеді. Алғашында сәби көз жұмып, содан отадан кейін тағы алты сағат бойы дәрігерлер әйелдің өмірі үшін күресті, бірақ оны аман-алып қала алмады.
Сол күні 34 жастағы Хадиша Дарменбаева осы ауруханаға келді. Дәрігер оны қарап, тексеріп шыққаннан кейін әлі күте тұру керектігін айтқан. Алайда кейінірек әйелді шұғыл түрде жедел жәрдем қызметі алып кетеді. Сөйтсе, оның бірнеше сағат бойы іші ауырған екен.
Дәрменбаевтар отбасы үшінші баланы күтіп, қуаныштары қойнына сыймай жүрген. Алайда, жүкті әйел босану кезінде жұмып, артынан ерген 6 және 8 жастағы қыздары анасыз қалды. Бұл қайғылы қаза Хадишаның отбасына ауыр тиді. Олар әлі күнге дейін оның өлімін қабылдай алмайды және құқық қорғау органдарына өтініш жазып, әділдік орнайды деп үміттенеді.
«Ол бұған дейін үйіндегірге ішінің қатты ауырғанын және баланың қозғалмай жатқанын айтып, шағымданған екен. Сонда күні бойы үйде жүріп, қиналған. Ал кешке қарай ауыруы шыдатпады. Менің ойымша, бұл оқиға дәрігерлер немқұрайлықпен қарағандықтан орын алды. Адам өз аяғымен ауруханаға барса, оны қабылдаудан бас тартып, үйіне жіберілген»,-дейді марқұмның әпкесі Ханиса Тлешина.
Енді бұл шудан кейін денсаулық сақтау басқармасы жоспардан тыс тексеру жүрзіп жатыр. Нәтижесін бір айдан кейін ғана жариялауға уәде берді. Ал, полиция бөлімшесіндегілер дәрігердің өтініші бойынша қайтыс болған әйелдің күйеуіне қатысты іс жүргізуде. Дәрігерлермен төбелескен ер адамға айыппұл салынып немесе 15 күнге қамауға алуы мүмкін.
stan.kz
12 қазан 2018 ж. 3 394 0