Талдықорғанда иесі 7 жасар баланы талап өлтірген иттерін атып тастады
Талдықорған маңындағы ауылда 7 жасар баланы талап өлтірген иттердің ветеринарлық паспорты болмай шықты, деп хабарлайды Қазақпарат.Иесі Әділжан Оңғарбаев иттерін атып тастағанын айтты. Оған 7 жасар балаға иттерінің шабуылдағанын телефонмен хабарлаған. Ол питбуль иттерін 4 жылдан бері асырап келді. Жануарлардың бірде-бір құжаты жоқ екендігі анықталды. Иттерді сату үшін емес, үйді қорғау үшін ғана асырағанын айтты.«Иттер бұрын адамға шаппайтын. Көшеге шығарғанда балалар олармен ойнап жүрді. Мұндай болады деп ойлаған емеспін. Өзімізде де кішкентай бала бар. Оқиға болған күні отбасымызбен дереу аруханаға жеттік. Жақындарым баланың амандығын тілеп ауруханада болды. Мен кінәм үшін заң алдында жауап берем. Баланың ата-анасынан, барлық адамдардан кешірім сұраймын », – деді Әділжан Оңғарбаев.
Бұған дейін куәгер оқушының екі ит талап өлтірген баланың оқиғасын айтып берген еді.
