Голливуд актері екі қызымен бірге ұшақ апатынан мерт болды

Голливуд актері Кристиан Оливер 4 қаңтарда Кариб теңізі аралдарына жақын жерде шағын ұшақ апатынан көз жұмды. Оның екі қызы мен ұшқыш та қаза тапты. Kazinform бұл туралы ТАСС агенттігіне сілтеме жасап хабарлайды.

    — Роберт Сакс иелік ететін ұшақ түстен кейін Невистен батысқа қарай құлаған. Ұшақта үш жолаушы болған: АҚШ-тан келген 51 жастағы Кристиан Клепсер (шын аты Кристиан Оливер) және оның 10 және 12 жасар екі қызы — Мадита Клепсер және Анник Клепсер, — делінген Сент-Винсент және Гренадин корольдік полициясының Facebook әлеуметтік желісіндегі хабарламасында.

Полицияның мәліметінше, ұшақ ұша салысымен қиындық туындап, мұхитқа құлаған.

Фото: kaz.inform.kz