Тезірек арықтағыңыз келсе... Голливудтық диета
Голливудтық диета атақты әртістер арасында танымал. Ол екі аптаға созылып, сол уақыт ішінде, шамамен, 7 кг салмақ тастауға көмектеседі. Бұл диетаның басты талабы – рациондағы қант, тұз бен май мөлшерін назарда ұстау және нан өнімдерін ас мәзірінен мүлде сызып тастау. Сондай-ақалкогольді тұтынуға болмайды. Жеміс-жидек пен көкөністі көбірек жеп, күніне 1,5 литрден көбірек су ішу керек. Су ағзаны тазалайды.14 күн осы ережеге бағынсаңыз, бір нәтижесінің болатынына күмәнданбаңыз. Әдетте, голливудтық диетаны жылына 3-4 рет қайталап ұстаған абзал.
Қалай тамақтану керек?
1-күн
Түскі ас: қызанақ, 1 тауық немесе 2 бөдене жұмыртқасы, 1 шыны кофе немесе көк шай (дұрысы, көк шай).
Кешкі ас: орамжапырақтан немесе қиярдан салат, 1 тауық немесе 2 бөдене жұмыртқасы, жарты грейфрут.
2-күн
Түскі ас: грейфрут, 1 тауық немесе 2 бөдене жұмыртқасы, көк шай (кофе).
Кешкі ас: 200 г қайнатып пісірілген қой еті (майы аз), қияр, көк шай (кофе).
3-күн
Түскі ас: қызанақ не қияр немесе орамжапырақтан дайындалған салат, 1 тауық немесе 2 бөдене жұмыртқасы, көк шай (кофе).
Кешкі ас: 200 г қайнатып пісірілген қой еті (майы аз), қияр, көк шай (кофе).
4-күн
Түскі ас: орамжапырақ немесе қиярдан жасалған салат, грейфрут, көк шай (кофе).
Кешкі ас: 200 г қайнатып пісірілген қой еті (майы аз), майсыздандырылған сүзбе, көк шай (кофе).
5-күн
Түскі ас: 200 г қайнатып пісірілген қой еті (майы аз), қияр немесе орамжапырақтан дайындалған салат, көк шай (кофе).
Кешкі ас: 200 г қайнатып пісірілген балық еті, қияр немесе орамжапырақтан дайындалған салат, көк шай (кофе).
6- күн
Түскі ас: жемістерден жасалған салат (алма, апельсин, грейфрут).
Кешкі ас: 200 г қайнатып пісірілген қой еті (майы аз), қияр немесе орамжапырақтан жасалған салат, көк шай (кофе).
7-күн
Түскі ас: 200 г қайнатып пісірілген балық еті (майы аз), қияр немесе орамжапырақтан жасалған салат, грейфрут немесе апельсин, көк шай (кофе).
Кешкі ас: жемістерден жасалған салат (алма, апельсин, грейфрут).
Бір апта аяқталған соң келесі аптаны тағы осы мәзірмен бастайсыз. Байқағаныңыздай, таңғы ас жоқ. Кофе басты айналдыратындықтан, көк шай ішкеніңіз жөн.
Дереккөзі:anabol.kz
