Головкиннің экс-бапкері «Канеломен» үшінші айқастың қалай өтетініне болжам жасады
Геннадий Головкиннің бұрынғы бапкері Абель Санчес ықтимал үшінші айқаста Сауль «Канело» Альваресті жеңуге қандай мүмкіндігі бары туралы пікір білдірді, деп хабарлайды sports.kz .Санчес мексикалықпен алғашқы екі айқаста Головкин жақта болды. Бірінші жекпе-жек тең нәтижемен аяқталса, екінші рет төрешілер жеңісті Альвареске берген еді.
«Геннадий оны екі рет жеңді. «Канелоны» үшінші рет жеңбеуге ешқандай себеп жоқ. Бұған Головкин араласа алса, егер оған бас тарта алмайтындай ұсыныс жасамаса, ол «Канеломен» Вегаста айқаспайды. Егер олар тағы да жұдырықтасса, айқас басқа жерде өтеді деп үміттенемін және GGG оны жеңеді.
Алдыңғы екі жекпе-жектегідей ол оны тағы да жеңеді», - деді Санчес AB Boxing News-ке берген сұхбатында.
