Бұрын UFC-мен шұғылданған, ал қазір танымал актер Олег Тактаров IBF және IBO нұсқалары бойынша орта салмақтағы әлем чемпионы Геннадий Головкин туралы пікір білдірді, - деп хабарлайды  tengrinews.kz Vesti.kz сайтына сілтеме жасап.
Оның айтуынша, қазақстандық боксшы - аңыз адам және ол атақты боксшылардан әлдеқайда биік тұр.

"Геннадий Головкин - бокс аңызы. Ол бізде кезінде болған Костя Цзю сияқты. Атақты боксшылардың тобы бар, бірақ Головкин бұл топтың биігінде тұр. Ол - аңыз жігіт. Маған оның бокс стилі қатты ұнайды", - деп келтірді Tofight.ru Тактаровтың сөзін.

Еске салайық, Головкин соңғы жекпе-жегін өткен жылдың қазан айында өткізді. Ол украиналық боксшы Сергей Деревянченкомен кездескен болатын және сол кезде төрешілер даусын бірауыздан Головкинге берген еді.