Толқын Арал аудандық қоғамдық-саяси газет
» » Головкинге жақсы жаңалық жетті

Головкинге жақсы жаңалық жетті

Геннадий Головкин бос қалған IBO белбеуі үшін жекпе-жек өткізуі мүмкін.Халықаралық бокс ұйымының (IBO) президенті Эд Ливайн РИА Новостиге мексикалық Сауль Альварес қазақстандық Геннадий Головкинмен титулды жекпе-жекте жеңіске жеткеніне қарамастан IBO тұжырымы бойынша әлем чемпионы белбеуін алмайтынын мәлімдеді. 
Тағы оқыңыз:"Канело" Головкиннен алған белбеуінен екі күннен соң айырылды
Бұған дейін БАҚ-та WBA (Super), WBC және IBO белбеулері үшін өткен жекпе-жекте Головкинді ұпай санымен жеңген Альварес жарна төлеуден бас тартқаны жазылған еді.  
"Альварес шынымен де IBO тұжырымының белбеуін алмайды. Біз онымен келісімге келе алмадық. Бос белбеу екі үміткердің арасында бәске тігіледі. Оның ішінде бұл дивизиондағы рейтингте бірінші орынды иеленетін Головкин де болуы мүмкін ", — деді. 
Альварес кәсіпқой бокста 50 рет (34 нокаут) жеңіске жеткен, бір рет жеңіліп, екі рет тең түскен.   
sputniknews.kz
20 қыркүйек 2018 ж. 1 037 0