Аманөткелдік спортшы қола жүлдегері атанды

Үстіміздегі жылдың 22-28 наурыз күндері аралығында Павлодар қаласында волейболдан 2005-2006 жылдары туылған жасөспірімдер арасында өткен Қазақстан Республикасының көктемгі чемпионатында Қызылорда облысының құрама командасы Жетісу командасынан 3:0 есебімен басым түсіп, Шымкент қаласы мен Ақтөбе облысы командаларынан кейін жүлделі ІІІ орынға ие болды.

Облыс құрама командасының қатарында біздің жерлесіміз, N73 Аманөткел орта мектебінің 11 сынып оқушысы Асылбекұлы Болатхан ҚР-ның қола жүлдегері атанды.

Болатханды волейбол спортына бастап баулыған N73 орта мектебінің дене тәрбиесі пәнінің мұғалімі Смағұлов Ержан болса, үлкен додаға дайындаған N20 Арал ауданының балалар-жасөспірімдер спорт мектебінің жаттықтырушысы Курбатов Евгений.