ЖЕРЛЕСТЕРІМІЗ ЖҮЛДЕЛІ ОРАЛДЫ

Қызылорда қаласында 16-21 тамыз күндері аралығында өткізілген Қазақстан Республикасы ауыл жасөспірімдерінің ІІ жазғы ойындары өз мәресіне жетті.Ойынға спорттың 10 түрінен ҚР-ның 14 облысының құрама командалары  қатысып, өнер көрсетті. Жалпы есепте облыс құрамасы Қазақстан Республикасы ауыл жасөспірімдерінің ІІ жазғы ойындарында жүлделі 1 орынға ие болды.
Облыс құрамының жүлделі 1 орын алуына  Арал ауданының №19 Арал ауданының олимпиадалық резервтің мамандандырылған балалар-жасөспірімдер мектебінің спортшылары қомақты үлесін қосты.
Атап айтар болсақ: грек-рим күресінен Ақбалаев Берекет - 1 орын, Əбу Бердібек - 2 орын, Садуақасов Даурен - 3 орын иеленді.
Жаттықтырушылары: Қожекенов Талғат, Төлебаев Бахтияр (№19 ОРМБЖ мектебі)
Еркін күрестен Əділханов Ерсұлтан мен Жеңісбеков Асқар - 3 орын иеленді.
Жаттықтырушылары: Сапаров Бахтияр, Ержанов Жасқанат (№19 ОРМБЖ мектебі)
Қазақ күресінен Сақтағанов Еңбек - 3 орын иеленді. Жаттықтырушысы - Досжанов Елеулі (№19 ОРМБЖ мектебі)
Командалық ойын түрлері бойынша облыстың волейбол қыздар құрама командасында ойнаған спортшыларымыз Ниятуллаева Əсел, Жұманова Əмина, Төлебаева Аяулым - 2 орын
Жаттықтырушысы - Жасұлан Бердібаев (№19 ОРМБЖ мектебі)
Гандбол құрама командасында ойын көрсеткен Əбдісұлтанова Жадыра - 1 орын иеленді. Жаттықтырушысы -  Исанов Рүстем (№19 ОРМБЖ мектебі)
Гандбол ойын түрі бойынша Арал ауданының спортының тарихында алғашқы жетістігіміз болып саналады. Əбдісұлтанова Жадыра осы ойын көрсеткіші нәтижесінде ҚР-ның спорт шеберіне үміткер атағын алады.