Толқын Арал аудандық қоғамдық-саяси газет
» » АСҚАТ АХАНОВТЫ ЕСКЕ АЛУҒА АРНАЛҒАН РЕСПУБЛИКАЛЫҚ ТУРНИР МӘРЕСІНЕ ЖЕТТІ

АСҚАТ АХАНОВТЫ ЕСКЕ АЛУҒА АРНАЛҒАН РЕСПУБЛИКАЛЫҚ ТУРНИР МӘРЕСІНЕ ЖЕТТІ

Бүгін ағымдағы жылдың 1-наурызында бастау алған белгілі оқушы-спортшы, жерлесіміз Асқат Ахановты еске алуға арналған волейболдан 2002-2003 жылдары туылған жасөспірім қыздар арасындағы республикалық турнир қорытындыланды. Төрт күнге жоспарланған турнирдің қорытындылау рәсіміне Арал ауданы әкімінің орынбасары Еркін Әбішев қатысты.
Биыл ауданымызда XVII-мәрте өткізілген турнирге еліміздің 5 облысынан жалпы саны 16 команда қатысып, үздік үш команда жүлделі орынды өзара бөлісті. 
Сайыс қорытындысына сәйкес Арал ауданының командасы жүлделі ІІІ-орынға табан тіресе, ІІ-орын Оңтүстік Қазақстан облысы, Шымкент қаласының командасына бұйырды. Ал, бас жүлде І-орынды Ақтөбе облысы, Хромтау ауданының командасы жеңіп алды. Сонымен қатар, республикалық деңгейдегі жарыс аясында бірқатар қатысушы спортшылар мен жаттықтырушылар түрлі номинациялармен марапатталды.
05 наурыз 2018 ж. 575 0