Футбол аңызы Пеле қайтыс болды
Футбол аңызы, үш дүркін әлем чемпионы Пеле 82 жасында қайтыс болды, - деп хабарлайды Massaget.kz.Пеленің дүниеден өткенін қызы Келли Кристина Насименту Instagram-парақшасында хабарлады.
"Бізде бардың бәрі сенің арқаңда. Сені шексіз жақсы көреміз", - деп жазды қызы.
Пеле қарашадан бері ауруханада жатқан. Желтоқсанның басында дәрігерлер оған химиотерапия көмектеспей жатқанын хабарлаған еді.
26 желтоқсанда спорт менеджері Фрэнк Халид Пеле отбасымен және достарымен қоштасып жатқанын хабардар еткен болатын.
Футболшы 2021 жылдың тамызынан бері тоқ ішек қатерлі ісігінен емделіп жатқан.
Пеле 1958, 1962 және 1970 жылдары әлем чемпионы болып, Бразилия құрамасы сапындағы 92 матчта 11 гол соққан. ФИФА оны өткен ғасырдың үздік ойыншысы деп атаған.
