Олимпиада чемпионы Михаил Шайдоров әлемдік рекордты жаңартты
Михаил Шайдоров Миланда Олимпиада тарихындағы ең жоғарғы бағалау көрсеткішіне қол жеткізді, деп жазады Egemen.kz.Отандасымыз ХХV қысқы Олимпиаданың еркін бағдарламасында үштік аксель – ойлер – төрттік аксель каскадын орындап, элемент үшін – 21,39 ұпай алды. Бұл жаңа төрешілік жүйесі енгізілгеннен бергі Олимпиада ойындарындағы ең жоғары бағаланған секіру элементі болып отыр.
Бұған дейін Олимпиададағы секіру элементі үшін ең жоғары ұпай Нейтан Ченге тиесілі болған. Ол 2022 жылғы Бейжің қысқы Олимпиадасының жеңімпазы атанған.
Надежда Парецкая дауы: Біздің төреші Шайдоров пен Самоделкинаның өнерін әдейі төмен бағалады ма?
Михаил Шайдоров – әлемде үштік аксель – ойлер – төрттік аксель каскадын орындай алатын жалғыз мәнерлеп сырғанаушы. Сонымен қатар, 2024 жылы ол тарихта алғаш рет үштік аксель – төрттік тулуп каскадын сәтті орындаған спортшы ретінде тіркелді.
Фото: egemen.kz
