Назым Қызайбай Қытайдағы Әлем кубогының жеңімпазы атанды

Фото: Қазақстан ҰОК

Қазақстандық боксшы, үш дүркін әлем чемпионы Назым Қызайбай Әлем кубогының алтын жүлдесін жеңіп алды, деп хабарлайды Спортты дамыту дирекциясының баспасөз қызметі.

3 дүркін әлем чемпионы, 54 келіге көтерілген Назым Қызайбай финалда Сирине Чараабимен (Италия, Әлем чемпионатының 2 мәрте жүлдегері) өзара үздікті анықтады. 

Отандасымыз 3 раундта да басым болып, 4:1 есебімен жеңіске жетті.

Айта кетейік, Назым Қызайбай 2025 жылы Астанада өткен Әлем кубогында 48 келіде топ жарған болатын.

Отандасымыздың жарыстағы жолы:

½ финал.

Натнича Чонгпронгкланг — 3:2

¼ финал.

Виктория Рогалинска (Польша) — 5:0

1/8 финал. 

Им Э Джи (Париж Олимпиадасының қола жүлдегері) — 4:1

Бұдан бұрын Әлем кубогында қазақстандық боксшылар финалда кімдермен кездесетінін жазғанбыз.

syrboyi.kz