Сыр спортшылары Азия кубогының жеңімпазы атанды (ФОТО)
Тайландтың Чонбури қаласында индорхоккейден ерлер мен əйелдер арасында өткен Азия кубогында Сыр спортшылары еліміздің намысын қорғады.Əйелдер командасы Азия кубогының жеңімпазы атанса, ерлер командасы күміс жүлдеге ие болды.ҚР құрама команда сапында əйелдер арасында Гузал Бахаваддин мен Алиса Чепкасова, ерлер арасында Нұрхан Сансызбаев, Бақытбек Сəрсенбайұлы жəне Дəулетбек Əлиев өнер көрсетті.Спортшылар енді Талдықорған қаласында 1-10 тамыз күндері көгалдағы хоккейден өтетін ҚР 5-ші жазғы Спартакиадасына, 25-30 тамыз аралығында Алтай өлкесі Барнаул қаласында Ресей Федерациясының 3-айналымына жəне 31 тамыз-6 қыркүйек аралығында Талдықорғанда Орталық Азия кубогы жарыстарына қатысады.
Айта кетейік, спортшыларды жарысқа ҚР еңбек сіңірген жаттықтырушысы Сұлтанбек Қобландин дайындады.
