Илья Ильин спартакиадада топ жарды

Қазақстандық ауыр атлет Илья Ильин Талдықорғанда өткен спартакиадаға қатысып, 102 келіге дейінгі салмақ дәрежесінде алтын медаль жеңіп алды.

Спортшы екі жаттығудың қорытындысы бойынша 370 келіні еңсерген. Төрт дүркін әлем чемпионы жұлқа көтеруде 170 келіні көтерсе, серпе көтеру жаттығуында 200 және 205 келіні бағындыра алған жоқ. «Сайыстан соң бойымда екі түрлі сезім тұр. Бірі – жұлқа көтерудегі екі жаттығуды еркін еңсергенім. Тіпті 175 келіге тапсырыс берсем де болады екен. Ал серпе көтерумен әлі де жұмыс істеу керек. Қазір соған бар күшімді жұмсап жатырмын. Паттайада өтетін әлем чемпионатында (2019 жылдың 16 – 25 қыркүйегі аралығы) кемінде бесінші орын алуым керек» депті Ильин жарыстан соң.

https://aikyn.kz/sport/swinging/6311-ilya-ilin/