Толқын Tolqyn.kz ақпараттық агенттігі
» » Байқоңырда «Прогресс МС-13» жүк кемесі ұшу кешеніне қойылды

Байқоңырда «Прогресс МС-13» жүк кемесі ұшу кешеніне қойылды

Байқоңыр ғарыш айлағында «Союз-2.1а» зымыран-тасығышы «Прогресс МС-13» жүк кемесімен бірге ұшу кешеніне қойылды, деп хабарлайды inform.kz 
«Қазіргі таңда зымыран-тасығыш кемемен бірге Байқоңыр ғарыш айлағындағы № 31 ұшу кешеніне қойылды. Ресейлік зымыран-ғарыш саласының кәсіпорын мамандары бірінші ұшу күнінің кестесі бойынша өз жұмыстарына кірісті. Бүгін жүк кемесінің жүйелері мен агрегаттарына, зымыран-тасығыш пен ұшу кешеніне автономдық сынақ жүріп жатыр», - деп хабарлады Роскосмос баспасөз қызметінен.
«Прогресс МС-13» жүк кемесі «Союз-2.1а» зымыран-тасығышымен бірге 2019 жылдың 6 желтоқсанында Нұр-Сұлтан уақытымен 15 сағат 34 минутта ұшырылады деп жоспарлануда.
Бұдан бұрын хабарланғандай, ғарыш кемесі 1 желтоқсанда көкке көтерілуі тиіс еді, адайда ол кеменің қосымша тексеру жұмыстарына байланысты кейінге қалдырылды.
Ғарыштық жүк кемесі Халықаралық ғарыш стансасына отын, оттегі, ғылыми тәжірибелерге арналған құрал-жабдықтар, медициналық заттар, тамақ пен су, экипажға хабарлама жеткізуі керек.
03 желтоқсан 2019 ж. 741 0