Мемлекет басшысы биылғы жылдың 11 айында 80 мың азамат құжаттарын ұмытып кеткені үшін жазаланғанын атап өтті. Осыған байланысты арнайы нұсқау берді. Қазақстандық жүргізушілер әрдайым өздерімен әртүрлі құжаттарды алып жүреді және олардың біреуі болмаған жағдайда жазаланады. Қазақстан президенті Қасым-Жомарт Тоқаев үкіметке осы мәселені шешуді тапсырды.«Барлық жүргізушілер өздерімен бірге жеке куәліктерін, жүргізуші куәлігін, техникалық төлқұжат пен жол жүру парағын және басқа құжаттарды алып жүреді. Адам құжаттарды үйінде ұмытып кеткені үшін де жазаланады», - деді  президент. 
Оның айтуынша, осындай фактілер бойынша биылғы жылдың 11 айында 80 мыңға жуық азамат жазаланған.
«Үкімет бұл мәселені жақын арада шешуге және қажет болған жағдайда заңнамалық актілерге өзгерістер енгізуге міндетті», - деп тапсырды президент.