«Тенгиз-Шевройлға» жұмысқа тұрғызамын деп миллиондаған ақша жымқырған қызылордалық ұсталды

Атырау қаласында орналасқан «Тенгиз-Шевройл» ЖШС-на түрлі мамандықтар бойынша жұмысқа орналастырып беремін деп бірнеше қала тұрғындарын алдап, алаяқтық жолмен ақшаларын иемденген қызылордалық ұсталды деп хабарлайды syr-media.kz.
«Оның жәбірленушілерге келтірілген жалпы шығын көлемі 3 454 200 тенгені құрады. Жедел-іздестіру шараларының нәтижесінде Қызылорда қаласының 34 жастағы тұрғыны тұтқындалып, кінәсін толығымен мойындады.

Қызылорда қалалық сотының үкімі негізінде айыпталушыға 2 жыл мерзімге бас бостандығынан айыру жазасы тағайындалды. Сонымен қатар, сот жәбірленушіге келтірілген шығынды заңмен белгіленген тәртіппен өтеуді міндеттеді», – деп хабарлады облыстық Полиция департаментінің баспасөз қызметі.