Қызылордада COVID-19 вирусын жұқтырғандар саны 72-ге жетті

Қызылорда облысында COVID-19 вирусының жаңадан 18 жағдайы тіркелді. Бұл туралы Өңірлік коммуникациялар қызметінің ақпарат алаңында облыстық денсаулық сақтау басқармасы басшысы Жақсылық Абдусаметов хабарлады.

«Облыс бойынша 72 науқас тіркелді. Жаңадан тіркелген 11 науқас Шиелі ауданынан, 6 науқас Сырдария ауданынан, 1 науқас Арал ауданынан. Анықталған науқастардың барлығы да карантиндік бақылауда болған азаматтар. Сондай-ақ, науқастармен қарым-қатынаста болған 1014 адам анықталды. Оның 456-сы жақын қарым-қатынаста, 558 -і провизорлық байланыста болған. Қазіргі таңда, жағдайлары қанағаттанарлық,емдерін алуда»,-деді Жақсылық Әбілқасымұлы .
Бұған қоса, облысымызға 1-А категориясы елдерінен келген 2 адам болса, олар үй жағдайында бақылауда. 1-Б категориясы елдерінен келген 119 адам болса, оның 3-і стационарда, 113-і үй жағдайында бақылауда.
Еске сала кетейік, 1.04.2020 жылдан бастап Қызылорда қаласында шектеу шаралары енгізіліп, карантин жарияланды.