Кемеңгер көшбасшы
Ел Президенті Қасым-Жомарт Тоқаев «Егемен Қазақстан» басылымында жарық көрген «Тарихи тұлға тағылымы» атты мақаласында Елбасы жайында: «Осы бір мерейлі миссияны орындау мемлекетіміздің негізін қалаушы ұлы перзенті, тәуелсіз Қазақстанның Тұңғыш Президенті, Елбасы Нұрсұлтан Әбішұлы Назарбаевтың маңдайына жазылғаны – әлемде аумағы жағынан алып елдердің алғашқы ондығына енетін, ұлан-байтақ жерінің асты да, үсті де табиғи ресурстарға бай, кешегі Кеңес Одағынан ірге бөліп шыққан кезде қолында жалын атқан от қаруы бар стратегиялық маңызы зор елге уақыттың өзі сыйлаған ерекше бағы. «Ақылды басшы алдырмас» деген, өткен ғасырдың тоқсаныншы жылдары әлем картасында орын алған тектоникалық үлкен саяси өзгерістердің салмағын саралай отырып, Қазақстанның ұлттық мүддесін сыналап енгізе білген Елбасы осы бір отыз жылдың ішінде жас мемлекетті әлемнің дамыған 30 елінің қатарына қосу мақсатымен көш бастады. Көшіміз көлікті болды. Ұлтымызда «Бас болмақ оңай, бастамақ қиын» деген сөз бар. Бұл орайда Қазақстан – қалыптасқан қоғамдық құрылыстар ауысқан алмағайып кезеңде кемеңгер басшысын таба білген ел» деп атап өтті.Иә, ердің бағасын жанындағы жолдасы, одан қалды ел береді. Мемлекет басшысы ұзақ жылдар бойы қызметтес болып, Елбасының іскерлік жағын осы мақаласында кеңінен қамтып жазған. Тәуелсіз қазақ елінің жетістігі мен мемлекеттің бүгінгідей дәрежеге жетуі расында кемеңгер көшбасшының арқасында екенін халық жоққа шығара қоймас. Дағдарыс жылдарындағы елдің жайын көрген жандар ұмыта қоймады. Бірақ сабырлық танытты. Себебі енді ғана ел болып, байрағын тіктеген елдің ертеңі Елбасының қолында екеніне сенді. Міне, сол сенім қазірде Қазақстанның қарқынды дамуына бастады.Аралға арнайы ат басын тіреп, ел иглігі үшін ауыз суды тарту етіп, «Мен Аралға көмектессем деген арманыма жеткеніме қуаныштымын» деген Тұңғыш Президенттің сөзі бүгінде әрбір аралдықтың ұранына айналды.
Б. Ермекбаев,
зейнеткер
зейнеткер
