Сайлау сенім жүктейді
Бүгін Мемлекет басшысы Қасым-Жомарт Тоқаев Парламент Мәжілісі депутаттарының сайлауын тағайындау туралы Жарлыққа қол қойғанынан хабардар болдық. Және орталық сайлау комиссиясының қаулысымен барлық деңгейдегі мәслихат депутаттарының сайлауы тағайындалатындығы да айтылды.Бұл келер жылдың еншісіндегі оқиға. Дегенмен бұқара халық үшін жылдың басты жаңалығы болары анық. Себебі халық қалаулыларының бұқара жұртшылық үшін орыны ерекше. Елдің көкейіндегі сауалды атқарушы билік алдына тартып, күрмеулі мәселелердің шешімін табудағы септігіне талай мәрте куә болғанбыз.Сондай-ақ алдағы сайлаудан тағы бір күтетіміз көппартиялықты дамыту және еліміздің қоғамдық-саяси өміріне азаматтардың қатысу аясын кеңейту жөнінде шаралар билік пен халық арасындағы байланысты тіпті нығайта түсетіндей. Ел Президентінің үндеуіндегі атап көрсеткен өзгерістер азаматтық қоғам құрудың басты тұтқасын боларына сенімім мол. Әсіресе жастарға туындаған мүмкіндік ел болашағы саналатын өскелең буынға деген сенім. Мұндай қолдау қай кезде де қажет-ақ.
Ә. Қуандық,
қала тұрғыны
қала тұрғыны
