Толқын Tolqyn.kz ақпараттық агенттігі
» » Тәртіп сақшыларына жаңа қызметтік көліктер табысталды

Тәртіп сақшыларына жаңа қызметтік көліктер табысталды

Аудан әкімі Мұхтар Оразбаев аудандағы тәртіп сақшыларына жаңа автокөліктің кілтін табыстап, ел тыныштығын күзету жолында атқарып келе жатқан қызметтеріне сәттілік тіледі.
Жол талғамайтын темір тұлпарлар учаскелік полиция инспекторларының иелігіне берілді. Атап айтқанда, ауданға қарасты «Қарақұм» ауылдық округінің аймақтық учаскелік полиция инспекторы полиция майоры А.Шүкіров, «Ақирек» ауылдық округінің аймақтық учаскелік полиция инспекторы полиция капитаны Ә.Ідірісов және Арал қаласы бойынша №3 учаскелік тірек пунктінің учаскелік полиция инспекторы полиция майоры А.Тарғынов тұтастай заманауи құрылғылармен жабдықталған су жаңа көліктерді тізгіндеді.
Аталған автокөліктер учаскелік полиция инспекторларының қызметінің жеделдігін арттыруға, қылмыстың алдын алу бағытында және аудан көлемінде қоғамдық тәртіпті қамтамасыз етуде елеулі септігін тигізері анық.
Арал ауданы әкімдігінің баспасөз қызметі. 

08 қараша 2020 ж. 647 0