Мемлекеттік сатып алу саласындағы бірқатар мәселелер талқыланды

Кеше аудан әкімінің орынбасары Ербол Талекеновтың төрағалығымен мемлекеттік сатып алу саласына қатысты "Мемлекеттік сатып алулардағы бірқатар мәселелер" тақырыбында семинар өткізілді.

Аталған шара барысында аудандық мемлекеттік сатып алу бөлімінің басшысы А.Байзахов баяндама жасап, жыл басынан қолданыстағы мемлекеттік сатып алу заңдылығына енгізілген өзгерістерге, сондай-ақ өткен жылдың қорытындысы бойынша орын алған кемшіліктер мен бұзушылықтарға және осы уақытқа дейін бөлім тарапынан атқарылған жұмыстарға тоқталып өтті.

Семинар барысында мамандар тарапынан бірқатар сұрақтар қойылып, сұрақтарға толығымен жауап берілді.

"Толқын" ақпарат