Коронавирус жұқтырған оқушы саны қанша? Цой жауап берді

Онлайн режимде оқу кезінде коронавирус жұқтырған оқушылардың саны мектепке барып вирус жұқтырғандардан екі еседен көп. Бұл туралы денсаулық сақтау министрі Алексей Цой айтты, - деп хабарлайды Tengrinews.kz.

"Оқытудың дәстүрлі форматы енгізілгеннен бері оқушылар арасында коронавирус инфекциясын жұқтырғандар саhttps://kaz.tengrinews.kz/userdata/news_kk/2021/news_321423/thumb_m/photo_80841.jpegны өскені байқалады. Төртінші тоқсанның басынан бері 3 706 бала ауырып қалды, оның ішінде білім алушылар арасында офлайн - 1093, онлайн - 2613. Төртінші тоқсанда вирус анықталған, дәстүрлі форматта оқитын оқушылардың ең көп пайызы Қызылорда, Қарағанды және Солтүстік Қазақстан облыстарында. Ал қашықтан оқитындар арасында Нұр-Сұлтан мен Алматыда көп анықталды", – деді Цой Үкімет отырысында.

Министр әкімдіктер санитарлық-эпидемиологиялық талаптардың сақталуын және білім беру ұйымдарында коронавирустың алдын алу шараларының орындалуына тұрақты бақылауды қамтамасыз етуі қажет екенін айтты.

"Қызыл аймақта орналасқан өңілер офлайн режимде оқуды қайта бастамасын", – деп тапсырды Алексей Цой.