Бөген тұрғындарына жем таратылды

Биылғы қуаңшылық жағдайына байланысты ауданымызға жерлесіміз Болат Өтемұратов қорынан көмекке қаржы бөлінген болатын. Аталған қор көмегінің есебінен Бөген ауылдық округіне малға қажетті бидай жемі жеткізілді.

Бөген ауылдық округіне жеткізілген 1448 қап бидай жемінің 542-сі округке қарасты Қарашалаң елді мекенінің тұрғындарына үлестіріп берілді. Қалған жем Бөген елді мекенінің тұрғындарына теңдей таратылды.

Атап өтейік, бұған дейін де Б. Өтемұратов қорынан алынған азығы ауылдық округке әкелініп, тұрғындарға үлестірілген болатын.

Арал ауданы әкімдігінің баспасөз қызметі