Ералы каналын қазу жұмыстары басталды
Биыл ауданымызда орын алған қуаңшылық мәселесіне байланысты төтенше жағдай қабылданып, тиісті жұмыстар жүзеге асырылып келеді. Мәселен, бүгінде қуаңшылықтың салдарын жою бағытында аудан аумағындағы су ұңғымаларын қазу, каналдарды тазарту жұмыстары жалғасуда. Осы ретте, бүгін ауданға қарасты Жаңақұрылыс ауылдық округіндегі Ералы каналының 5 шақырым арнасын қазу жұмыстары басталды. Облыстық жұмылдыру басқармасының тапсырысы негізінде, яғни, облыстық бюджет есебінен бастау алған аталмыш жұмыстарды «Сәд-Сервис» ЖШС-і қолға алды.
Аталған каналды тазалау нәтижесінде Ақбасты, Қаракөл көлдері мен Қаражар өңіріндегі 2500 гектар шабындық және жайылымдық жерлер суландырылатын болады.
Аудан әкімдігінің баспасөз қызметі
