Толқын Арал аудандық қоғамдық-саяси газет
» » Биыл зейнетақы төлемін алудың жеткілікті мөлшері өзгереді

Биыл зейнетақы төлемін алудың жеткілікті мөлшері өзгереді

2022 жылдың 1 сәуірінен кейін зейнетақы жинағының шекті межесі көтеріледі. Оған дейін қазақстандықтар бұрынғы межеден артылған ақшасын баспана сатып алуға немесе емге жұмсай алады.

3 желтоқсанда Қазақстанда зейнетақы жинағын мерзімінен бұрын пайдаланудың шекті мөлшері 2022 жылдың 1 қаңтарынан бастап күрт өсетіні белгілі болды. Егер 2021 жылы 35 жастағы азаматтар үшін шекті көрсеткіш 2 940 000 теңге болса, 2022 жылы ол 5 060 000 теңгені құрайды.
Бұл жаңалық қазақстандықтардың ашуына тиді. Өйткені көбі зейнетақы шотындағы жеткілікті шектен асқан ақшасын пайдаланып үлгермеген. Халықтың наразылығынан кейін президент Қасым-Жомарт Тоқаев зейнетақы қорындағы шекті межеден асқан қаржысын пайдаланып үлгермеген азаматтарды қолдады. Мемлекет басшысы үкіметке зейнетақы жинағының шекті межесін көтеру мерзімін 2022 жылдың 1 сәуіріне дейін ұзартуды тапсырды.

baq.kz
03 қаңтар 2022 ж. 164 0