Өзгерістер мен толықтырулар енгізілді

Кеше аймақ басшысы Н.Нәлібаевтың қатысуымен өткен облыстық мәслихаттың XV сессияның күн тәртібіне «2022-2024 жылдарға арналған облыстық бюджет туралы» Қызылорда облыстық мәслихатының 2021 жылғы 13 желтоқсандағы №72 шешіміне өзгерістер мен толықтыру енгізу туралы мәселе қойылды.Өңір басшысы жиында әлеуметтік мәселелерге арнайы тоқталды.

Мәселен: автобус паркінің көліктері тозуына халықтың сұранысын қанағаттандыру мақсатында жаңадан 150 дана автобус алынатынын; білім, мәдениет, спорт саласындағы нысандарды салу барысында нақты қажеттілікті ескеру және бос тұрған ғимараттарды тиімді пайдалану жұмыстарын жүргізу; азық-түлік бағасын тұрақтандыру бойынша нақты шараларды іске асыру; аудан әкімдері жергілікті шаруашылықтармен бірлесіп, тұрғындарға бау-бақша және көкөніс егуге жағдай жасауды тапсырды.

Сессияда облыс басшысы енгізілген өзгерістер мен толықтыруларды саралап шығып, халықтың әл-ауқатын жақсарту үшін жоспарланған жобаларды іске асыруға бірлесіп атсалысуға шақырып, алда орасан жұмыс күтіп тұрғанын айтты. Мәжілісте айтылған мәселе бойынша тұрақты комиссияның отырысында баяндалып, жан-жақты талқыланғандықтан депутаттар бірауыздан қолдап, шешім қабылдады. Сондай-ақ жиында қаралған мәселе «AMANAT» партиясының Сайлауалды бағдарламасының Жол картасының уақытылы іске асуына үлес қосатын болғандықтан, айтылған мәселелердің сапалы жүргізілуіне әрбір фракция мүшесі жауапты деп білемін.

Қызылорда облыстық мәслихаттағы

«AMANAT» партиясы депутаттық фракциясының мүшесі,

Ибраимова Лаура Колханатқызы