Күнбағыс және балық майларын тұтыну метаболизмді аурулардың даму қаупін арттырады.Бұл туралы Stan.kz хабарлайды.

Гранада университетінің ғалымдары күнбағыс және балық майларын жиі тұтыну бауырға зиян екенін айтты. Майдың адам денсаулығына тигізетін зиянды әсері туралы Journal of Nutritional Biochemistry балысымында жарияланды.

Ғалымдар бұл тұжырымға егеуқұйрықтарға тәжірибе жүргізу арқылы келді. Ұзақ уақыт бойы кеміргіштерді зәйтүн, күнбағыс және балық майларымен қоректендірген. Сондай-ақ,  олардың бауырындағы өзгерістерді микроскоп арқылы қадағалап отырған.

Зәйтүн майы қосылған тағаммен қоректенген егеуқұйрықтардың бауырына еш зиян келмегені анықталды. Ал, күнбағыс майын пайдаланған кеміргіштердің бауырында фиброзды және ультраструктуралық өзгерістер туындаған. Балық майы болса, ол жасына байланысты тотығу процестерін арттырып, дене өлшемінің ұзындығын өзгерткен.