«ХАЛЫҚТЫҚ ЗАҢГЕР» АЗАМАТТАРДЫ ҚАБЫЛДАУ АКЦИЯСЫ ӨТКІЗІЛДІ

Бүгін Арал ауданы әкімі аппаратының ұйымдастыруымен  «З.Шүкіров атындағы қалалық мәдениет үйінің» ғимаратында Қызылорда облысы әкімімен бекітілген «Қызылорда облысында Парасаттылық мәдениетін ілгерілету бойынша кешенді жоспарға» сәйкес «Адал көмек» жобасы аясында азаматтарға құқықтық көмек көрсету мақсатында қоғамдық қабылдау шарасы өткізілді.
Шараға аудандық прокуратура, аудандық полиция бөлімі мен аудандық кәсіпкерлік, өнеркәсіп және туризм бөлімінің, тұрғын үй коммуналдық шаруашылық, жолаушылар көлігі және автомобиль жолдары бөлімінің, жұмыспен қамту және әлеуметтік бағдарламалар бөлімінің, ауыл шаруашылығы мен жер қатынастары бөлімінің өкілдері мен адвокат қатысты.
Шара барысында келушілерге әр түрлі тақырыптағы сауалдарына заңға сәйкес түсіндірме жүргізіліп, сұрақтарына жауап берілді.

Арал ауданы әкімдігінің баспасөз қызметі