Толқын Tolqyn.kz ақпараттық агенттігі
» » Назарбаев депутаттардың алдында Сағадиевті мақтады

Назарбаев депутаттардың алдында Сағадиевті мақтады

Мемлекет басшысы мәжілістің пленарлық отырысында Ерлан Сағадиевтің жұмысындағы жетістіктер мен кемшіліктерді атап өттіПрезидент Нұрсұлтан Назарбаев парламент мәжілісінің пленарлық отырысында білім министрі міндетін атқарушы Ерлан Сағадиевті мақтады. Бұл туралы депутат Ахмет Мурадов айтты.

"Нұрсұлтан Әбішұлы бір ғана фамилияны атады – білім министрі Сағадиев. Оны мақтап қана қоймай, осы министрлікте атқарған жұмысының кемшіліктеріне де тоқталды", - деді Мурадов.

Ведомстволардың басшылары қызметіне кандидатуралар, депутаттың сөзіне сүйенсек, "Нұр Отан" партиясының 27 ақпандағы съезіне дейін қаралуы тиіс. Оларды парламенттің төменгі палатасының комитеттері қарайды.
Президент Конституцияға сәйкес ішкі істер министрі, қорғаныс министрі және сыртқы істер министрін өзі тағайындайтын болады.
Дүйсенбі күні Қазақстанда бірқатар кадрлық тағайындау болды. Мәжіліс депутаттары үкімет басшысы лауазымына Асқар Маминнің кандидатурасын бірауыздан мақұлдады. Сонымен қатар сенат Ұлттық банк төрағасы қызметіне тағайындау үшін Ерболат Досаевқа дауыс берді.
sputniknews.kz

25 ақпан 2019 ж. 865 0