Аудан әкімі Ораза айт мерекесімен құттықтады

Қадірлі ағайын!

Құрметті жерлестер!

Сіздерді барша мұсылман қауымы үшін қастерлі де ұлық мейрам - Ораза айт мерекесімен құттықтаймын!

Отыз күндік оразадан кейін келетін бұл мерекені халқымыз қашанда ерекше сезіммен, зор қуанышпен қарсы алады. Рухани тазаруға және кемелденуге бастайтын Рамазан айын ұлықтап, бір-біріне ізгі тілектерін арнайды.

Ораза айт мейрамы – әр мұсылманның жүрегіне имандылық нұрын сеуіп, асыл дініміздің құндылықтары ұлт руханиятын өркендетуге септігін тигізері сөзсіз.

Қасиетті Ораза айт мерекесінде әрбір отбасына зор денсаулық, қажырлы күш-қуат, шадыман шаттық пен бақ-береке тілеймін!

Тәуелсіз еліміздің тұғыры биік, іргесі берік болсын!

Ораза Айт құтты болсын!