Көпбалалы аналарға төсбелгі табысталды

Бүгін Арал қаласының әкімі Ұзақов Батыржан Жансерікұлы көпбалалы аналарды қабылдап, Қазақстан Республикасы Президентінің 2024 жылғы 25 наурыздағы № 497 Жарлығы бойынша «Күміс алқа» төсбелгілерін табыстады.  

Қала әкімі Б. Ұзақов бала тәрбиелеп, қоғам дамуына зор үлес қосқан аналар еңбегі әрқайсымыз үшін үлгі-өнеге екендігін білдірді.

Батыр аналарды мәртебелі дәрежелерімен құттықтап, отбасыларына амандық тіледі.

Өз кезегінде марапат иелері алғыс айтып, ризашылықтарын білдірді.

Арал ауданы әкімдігінің баспасөз қызметі