Арал қаласында жаңадан қала әкімі сайланды

Аудан әкімі Серік Сермағамбетов 10 желтоқсан күні өткен сайлау нәтижесі бойынша аудандық сайлау комиссиясының қаулысына сәйкес Арал қаласы әкімінің лауазымына сайланған Ұзақов Батыржан Жансерікұлын ұжымға таныстырып, жаңа қызметіне сәттілік тіледі.Атап өтейік, Арал қаласының әкіміне 3 үміткер ниет білдірді. Саяси науқанға қала тұрғындарының 83%-ы қатысып, өз таңдауларын жасаған болатын. Сайлау қорытындысымен «Amanat» партиясынан ұсынылған Ұзақов Батыржан халықтың (70,4%) басым дауысын жинады.
Батыржан Жансерікұлы - 1984 жылы 16 қарашада Арал қаласында дүниеге келген.
Білімі жоғары.
2005 жылы Қорқыт Ата атындағы Қызылорда мемлекеттік университетін «Құқықтану», 2012 жылы «Болашақ» университетін «Мұнай-газ ісі» мамандықтары бойынша бітірген.
Еңбек жолын 2007 жылы «Кеңқияқ-Құмкөл» ЖШС-да үйлестіруші қызметінен бастаған.
2010 - 2015 жылдары – Халықаралық «Solini Construktion»
ЖШС-да жабдықтау бөлімінің басшысы, «Бозой-Бейнеу» газжелісінің Қызылорда облысы бойынша үйлестірушісі;
2015 - 2019 жылдары - «Триумф-Строй» ЖШС-ның директоры;
2019 жылдан бастап жеке кәсіпкер.
Аудандық мәслихаттың жетінші және сегізінші шақырылымдарының депутаты.
Отбасылы.