Құжат тапсыратын күнді күтіп жүрміз

Отбасы – шағын мемлекет. Еліміздің ертеңі жарқын болуы үшін шағын мемлекеттің іргесі мықты болуы қажет деп ойлаймын. Әр отбасында өсіп келе жатқан бала – елдің ертеңіне қызмет ететін азамат. Сондықтан көп балалы отбасыларға қолдау көрсету туралы Елбасының шешіміне біз дән риза болдық. Елбасы "Нұр Отан" партиясының ХVІІІ сьезінде сөйлеген сөзінде қоғамдағы біраз мәселені шешу жолдарын айтты. Соның ішінде, әлеуметтік аз қамтылған, көп балалы отбасыларға көңіл аударуды тапсырды. Табысы төмен отбасы балаларының әрқайсысына 20 мыңнан аса көлемде әлеуметтік көмек тағайындау керектігін айтқанда осы санаттағы шаңырақтардың шаттығы асқанын жасыра алмаймыз. Бұл шынында да мемлекеттен жасалған қамқорлық. Сонымен бірге, мені көп балалылармен қатар толық емес, мүмкіндігі шектеулі балалары бар отбасылар үшін тұрғын үй алуды жеңілдету қажеттігін қарастырғаны қуантты. Баспанасыз отбасыларға бұл үлкен жеңілдік болмақ.
Мен 6 балалы әкемен. Бүгінде жетіншісін күтіп жүрміз. Әзірше тұрақты жұмыс жоқ, тек жалданып жұмыс істеп, отбасымды асырап отырмын. Президенттің тапсырмасы орындалса, бізге біраз көмек болғалы тұр. Қазір құжат тапсыратын күнді күтіп жүрміз. Көп балалы отбасыларға жасалатын қамқорлық үшін Мемлекет басшысына рақметтен басқа айтарымыз жоқ.
Болат КӨБЕЕВ,
көп балалы әке.
Арал қаласы.